على طـــــــــــــــــــــــــــــاري الفراق اللي طارالي ...

على طاري الفراق اللي طرالي بسيرتك هالحين
وعلى طاري الجروح اللي طرت لي وجيت في بالي
دخيل الله هالطاري طلع لي فيك بس من اين
دخيل الله مو وقته.. وانا تعبان في حالي
انا من وين ابدي لك معك وابتدي من وين؟
من اول جرح.. الثاني .. العاشر او التالي؟
ثمان سنين والصدمه معي ماهي ثمان سنين
ثمان سنين احس اني على هالكون لحالي
ثمان سنين صدمتها تساوي من عمري سنين
ثمان سنين اتامل متى ما انت تفضى لي؟
ولكن ماتوقعتك تحطم قلبي المسكين
ولا حتى توقعتك تدفعني الثمن غالي
على النيه معك قلبي وانا اظنك تعرفه زين
انا مايوم فيه ارتاح اذا ماشوفك قبالي
معك اوضح من الواضح ولا العب على الحبلين
ولا ارضى على نفسي ولا هالنفس ترضى لي
لقيتك للاسف خوان .. لقيتك صاحب البالين
وانا اللي كنت اتضايق متى ماغبت عن بالي
وكثر ماكنت اتحمل من جروحك فوق الفين
كثر ماكنت تتشمت عليه بكل عذالي
وكثر ماكنت تلقاني اذا ناديت امد ايدين
كثر ماكانت الطيبه بقلبي اردى افعالي
وكثر ماكنت اتامل تجي وتسأل علي بعدين
كثر ماقلت بغيابك.. فال الله ولا فالي
وكثر ماكنت اتالم واحس بصدمتك سكين
كثر ماضاقت الدنيا على قلبي وعلى امثالي
وكثر ماشفت صدماتي بالدنيا من الغالين
بديت الحين اتوقع نجي الصدمه من ظلالي

على النيه معك قلبي وانا اظنك تعرفه زين
انا مايوم فيه ارتاح اذا ماشوفك قبالي
معك اوضح من الواضح ولا العب على الحبلين
ولا ارضى على نفسي ولا هالنفس ترضى لي

اختيار رائع

واقول لمديرنا الغالي الله لايجيب الفراق وطاريه